Pietman & Barbara

Ons was die naweek na die Idiliese Paternoster toe teen die weskus om my nefie Pietman en Barbara se troue by te woon. Dit was heerlik gewees! Ons het in die oulikste B&B gebly, die mense was gasvry en die diens baie goed, ons het 'n lekker ontbyt ook bygekry. Ons het ook die opsie gehad om net vir een aand te bly terwyl baie van die ander gastehuise jou verplig om die hele naweek te bly/betaal.
Pietman en Barbara het in die St Augustine Chapel getrou en daarna was die onthaal in die Paternoster Lodge. Hulle het sommer die hele lodge bespreek vir die familie om daar oor te bly. Die venue is op die see en regtig baie baie mooi, die mense wat die saal moes regkry was net so 'n bietjie stadig en ek kon sien die bruid se pa raak ongemaklik toe die glase vir die wyn 10 minute voor die paartjie arriveer nog nie op die tafels is nie. Verder was die aand heerlik en ons het gedans en gekuier tot duskant middernag.
Baie belangrik is die rol wat jou seremonie meester speel, ek het dit net weer besef die naweek. Mike, Barbara se broer het dit met soveel gemak gedoen en was so spontaan snaaks dat die gaste dit onmiddelik aanvoel. Wanneer 'n seremonie meester gevorseerde grappies maak en dit nog onder die beld ook is, hang die ongemaklikheid sommer dik in die lug! Hou dit kort en kragtig en wees net natuurlik.
Ek moet sê die realiteit van in die paadjie afstap begin nou erg inskop - ek was amper so tens soos die bruid toe sy in daai paadjie afstap. Haar troos aan my was "Toemaar, as jy eers jou makeup en rok aan het dan voel jy soos 'n prinses en dan ontspan mens ook sommer" en ek moet sê Barbara, jy het waarlik soos een gelyk!

Kitchen Tea

Ek het Saterdag my kitchen tea gehad - dit was Great! Dankie Liz en Jacomien. Soos ek verstaan was dit 'n redelike mission om my daar te kry! Hulle het vir my 'n stunning stylvolle ontbyt by Poplars Restaurant in Durbanville gehou(www.poplars.co.za). Ek en Wilhelm sou "sy pak laat maak" maar ek eindig toe daar op !! Ek was lekker verras om in die vertrek in te loop en daar staan almal!
Ek het die stunningste goed van almal af gekry en het regtig baie spesiaal gevoel! Dankie !!

BY ONS NUWE HUISIE

'40 Days' is ook nou verby

Met nog net 36 dae om te gaan is al ons uitnodigings al gestuur en het meer as helfte van die gaste reeds ge RSVP dat hulle wel kom. My rok is al 'work in progress' en al die lede van die gevolg het al iets om aan te trek - al is dit ook op die stadium nog net 'n hopie materiaal!
Ek is steeds skoenloos, maar gaan tenminste nie kaal of sonder 'n 'tan' in die padjie af loop nie (jip TANCAN is geboek)
Ek en Wilhelm het 'n huis gekoop en al is dit stunning en baie exiting beveel ek vir niemand aan om 'n troue en 'n trek op een slag aan te pak nie - dit is net te stresvol.
Dan vir alle hoopvol mense daar buite wat gedink het jy kan net R3000 vir blomme betaal, het en nou vandag slegte nuus voor - mens kan nie :-( Wil nie in 'n geld bespreking in gaan nie, maar óf Minister Trever moet briek aandraai en die blomme tannie moet verstaan dat dit nogal erg is om R6000 te sien verlep in 3 dae óf ek en Wilhelm trek oor 'n paar maande - Poolsmoor se skuldselle toe!
Anycase, hy is soo rustig, ek bel half paniekbevange oor die kwotasie (en oor 100 ander dinge) en sy rustige kalm self sê net: "Toemaar moenie panick nie skat, ons sal dit uitsorteer, ontspan"

Op 'n heél ander punt - ons het 2 toevoegings tot die 'gesin' gekry nl. twee katjies, te pragtig, hulle heet Weetbix en Pronutro (Boetie en Sussie) en dit is heerlik om die twee bondeltjies liefde in die huis te hê. Hulle het sommer 'n kalmerende effek om 'n mens. Sal later foto's post.

Still to do

Ek het ons trou uitnodiging komponente vanoggend gekry - nou moet ek vanaand gaan spoeg en plak - ek is so tens dat ek dit opmors, maar ek hoop darem nie so nie! Ons begin in 3 weke met my rok so ek kan nog op 'n eetstaking gaan en 'n paar k's verloor - wishful thinking.
So hier nog my to do lys...en ek is seker hy is nie volledig nie.

1. Blomme (kry nie die vrou in die hande nie)
2. Musiek vir buite by die diens
3. Naels (net nice natuurlike gel naels - want ek het glad nie)
4. Sonbed
5. Prokureur
6. Rokke vir gevolg
7. Trourok
8. Tiara + sluier (is daar nie 'n beter woord nie??)
9. Bestel Champagne
10.Trial hare en make-up
11.koop weggooi kamaras
12. Skoene !!
13. Sien die Predikant/Dominee

66 Dae om te gaan

12 September 2006

Mede lesers, ek is baie verlig om te kan rapporteer dat ons uitnodigings uitgesorteer is. Ons was weer Paper Paradise toe en die eienaar het ons Ongelooflik baie gehelp. Hulle doen sommer nou vir ons die uitsny werk en printing en dan moet ek dit net alles aanmekaar plak.
Verder het ons ons gift registry gaan opstel by @ Home, hoeveel fun was dit nie!! Ek en Wilhelm het daar deur die winkel gesluip, armed met 'n scanner in die hand en ons wishlist is about 2 maal langer as ons gastelys! Hillarious! Ons het lekker gelag, veral toe ons begin R700 se toasters en ketels scan! Ek weet vir 'n feit daar is nie sulke spandabelrige mense op ons lys nie, maar dit was soveel fun, ons kon ons self nie keer nie, ons sal maar agterna ons eie wishlys vol koop. Net vir interessantheid, mens kry na die troue 'n gift voucher van @ Home ter waarde van 10% van die totale bedrag wat jou gaste op jou wishlys spandeer het.
So, toe is ek in die materiaal winkels in om te gaan kyk of ek ten minste lap sien vir die 'girls', en tot my groot geluk het ek gesien waarvan ek hou. Ek gaan gou volgende naweek lap koop en patrone soek.
Voor ek vergeet, ek was die naweek op Barbara, my aanstaande aangetroude niggie (!!) se kitchentea - 'n lingerie-party- en dit was soveel fun! Ek dink dit is 'n briljante idee om die aanstaande bruid met soveel mooi undies te spoil! Die strawberry cocktails agterna was ook GLAD nie sleg nie! Well done Janene vir die organisasie van daai een. Barbara was regtig uit die veld geslaan en het dit glad nie verwag nie! Ek sien baie uit na hulle troue op Paternoster einde Oktober.Dan is dit my beurt .....73 Dae oor...........

31 Augustus 2006

Nog 'n maand verby....nog net 85 dae, dis 12 weke!!
Ek moet sê ek begin nou so liggies paniekbevange raak oor al die reelings wat nog nie gebeur het nie. Ek het nog nie enige blomme gereël nie, nog geen rokke nie - nie vir my of my bridesmaids nie -, ek weet nie lekker wat ek op die tafels gaan doen nie, die menu, die gastelys.........Aaug!! Ek sal nooit weer met dieselfde oë na 'n bruid kyk nie, van nou af sal sy my volle respek en verwondering hê! Want as jy besig is om reg te maak om te trou sal jy weet wat ek bedoel!!As jy dink daaraan om binnekort te trou - dis baie exiting maar tog ook exhausting! Ek neem aan as mens geld het dan huur jy vir jou 'n ko-ordineerder - dit maak baie sin. As jy soos ons nie kan nie, mmm, wel ja, dan moet jy net genoeg koue wyn byderhand hou om jou skoenlappers stil te hou.
Ek het 'n noodvergadering geroep en ons het albei volgende week verlof ingesit om net bietjie van die dinge te finaliseer. Sien Wilhelm gaan nog oor 2 weke vir 'n maand oorsee. As hy terug is moet ons die uitnodigings begin uitstuur (terloops hulle bestaan ook nog nie....)
Skielik is die laaang tyd voor die troue nie meer so lank nie en ek hoop ek het genoeg tyd vir als. Jammer ek sit by die werk, die skoenlappers in my maag wil al weer 'n slukkie wyn hê....
Anycase, ek hou julle op hoogte van my 'mental state' en die vordering van die reelings.
As jy in die kaap woon - Tygervallei se Bridal show is van vandag af aan. Check dit uit as jy soos ek nog baaaie idees en hulp nodig het.
Tot volgende keer -
Benoude (bruids)boude

Honey Honey....

...how you thrill me aha, honey honey. Ek kon nie help om hier aan te dink nie, soos enige van julle ABBA fans daar buite sal weet is dit ja, jy het reg geraai, 'n ABBA song. Ons het so paar weke gelede die groot hit Mamma Mia! gaan kyk en van daar af is ons soos ABBA verslaafdes. Nou ons was nog altyd fans, maar dit neig nou al amper na 'n mini kultus - hehe, seker nie so erg nie, maar om by die punt uit te kom, ons is nou besig om uit te 'kyk' - luister - vir musiek om onderskeidelik mee in te loop en die dansbaan mee te open (Ek het mos gesê ons doen die tradisionele ding!) So karring Wilhelm die heeltyd van Mamma Mia! af dat ons die dansbaan met dié song moet oopmaak. Moenie my verkeerd verstaan nie, ek is baie pro ABBA, soos julle gehoor het, maar 'n girl se groot dag is haar groot dag en ek besef toe hier moet ek my voet nou neersit! Ek lag maar net as Wilhelm die topic aanraak en antwoord met 'n baie ferm NEE dat dit nie die keuse gaan wees nie. Wat dit wel gaan wees, mmm, wel ek weet nog nie, maar ontleed about elke song op die radio as ek tussen die werk en huis ry - Die liedjie soekery is 'n exhausting job!
Op 'n ander noot, ons het besluit om saam oor die honeymoon te besluit en ek kan met verligting sê dat al ons plekke is geboek en deposito's betaal. Nader aan die tyd meer oor die Honey Honeymoon

Dinsdag 11 Julie 2006

Ek het gisteraand begin met demo - troukaartjies en 'n paar op die rekenaar gedoen. Daar is definitief nog baie werk voor die finale produk, maar vir 'n 1ste poging dink ek nie dis te sleg nie! Die bewoording is steeds bietjie tricky en ek soek nog na die regte woorde.

Nog 4,5 maande oor - die fotograaf het al vanoggend gemail om te hoor of ons reëlings nog op track is. Dirk du Plessis en sy vrou Mariëtte neem saam die foto's. Ek het hulle ontmoet by my nefie se troue 'n jaar gelede en toe ons iemand begin soek was hulle een van die enigste mense wat nie vra dat jy 'n tweede verband op jou huis moet uitneem om die kostes te dek nie. Hulle het uitgekom en ons op 'n geleë tyd kom sien om hulle portefeulje te kom wys. Die foto's is baie professioneel gedoen. Jy kry al jou foto's in 'n album sowel as jou negatiewes en dan word daar so ongeveer 'n ekstra 300 foto's op 'n cd gesit wat dan nie geprint is nie. Enige kombinasie van hoeveelheid foto's (swart & wit, sepia en/of kleur) is moontlik. Hulle is regtig baie flexable wat dit aanbetref.

Venue

Ek was so bietjie lui met skrywe maar hier is die inskrywing uiteindelik: Ons was mos toe die 16de Junie af Riebeek-Wes toe om na ons venue te gaan kyk (www.groenrivier.co.za). Daar was 'n troue die aand so ons kon 'n baie goeie idee kry van hoe die saal gaan lyk na dit opgemaak is. Die nice van die plek is dat mens absoluut die minimum hoef te doen om dit mooi te maak. Daar is klaar ongelooflike karakter aan die plek. Sommer so twee vlieë met een klap loop ons toe die caterers ook raak by die saal. Malita Joubert is die caterer wat al die troues by dié venue doen, sy is ongelooflik vriendelik en vol raad gewees. Die tuin en chapel net buite die saal waar ons trou is so mooi so sonder enige versiering so ek kan net imagine hoe dit gaan lyk met 'n touchie versiering!!
Ons is 'n volledige toer gegee van die plaas en al die opstalle waar fotograwe hulle wildste verbeelding kan gebruik, daar is selfs die 'back-up' opsie van 'n rustic ou keldertjie waar die seremonie ook gehou kan word indien die weer skielik nie meer sou saamspeel nie.
Ons het sommer die gaste huise op die plaas alles geboek vir die hele naweek vir die hele familie. Dis lekker naby(!) en baie stunning. Ek moet sê ek raak al meer en meer opgewonde!!

14 Junie 2006

Ek het gisteraand 'n brainwave geslaan en dink ek het 'n goeie idee vir 'n troukaartjie, wel, eintlik moet ek www.weddingcards.co.za die krediet gee, maar ek gaan dit darem slightly modify. Ek gaan nie noual die design weggee nie, maar kyk gerus daar. Hulle het bewoording vir kaartjies ook daar. Ek moet sê niks wat my regtig weggeslaan het nie, so as iemand dalk weet van 'n plek waar ek nice afrikaanse bewoording vir die uitnodigings kan kry, laat weet asb!
Ons gaan Vrydag (Jeugdag) afsuiker Riebeek toe om te gaan kyk na die venue. Ek het vanoggend met Magdel gepraat en hulle het Vrydagaand 'n troue daar aan so dit pas perfek. Dan kan ons sommer na die saal gaan kyk as dit opgemaak is en met die regte mense chat- caterers ens.
Burger, Karen en Jacomien kom ook saam, hulle gaan sommer hulle verblyf loop soek vir die troue en dit nou al boek. Exiting, ek sien so uit!

Papier Pandemonia

Ons was die naweek in Paper Paradise in Tygervallei sentrum om te gaan papier soek vir ons uitnodigings. Ons het die mooiste papier gekry wat perfek in ons kleur skema gaan pas!
Die verskillende opsies daar is legio, defenitief aanbeveelbaar!
Selfs die waks vir die kaartjies seël kom in allerhande verskillende kleure (Baie handig!)
Nou moet ons net nog kopkrap oor hoe die kaartjies gaan lyk. Ons het net eers 'n klomp verskillende papiere gekoop waarmee ons kan speel. Die mense daar is baie behulpsaam en het regtig baie handige en nodige raad gegee!
Hulle sny selfs vir jou die 'template' vir klein boksies uit jou keuse papier- vir tafelgeskenkies, baie cool en dit is iets soos 'n ekstra rand by jou papier geld.
As jy nie self jou kaartjies wil print nie, doen hulle dit ook vir jou.
Ons vorder.....

Gastelys

Ek het 'n baie volledige lys van ons 'voorlopige' gaste aan Wilhelm gegee om te scan. Na ons nog 3 couples bygesit het wat ek vergeet het - (nee ek los maar die name hier weg!) het ons met 'n skok agtergekom dat ons staan op 121 mense ! Ons wil nader aan 85 mense eindig!!! Dit is so 'n tricky storie want daar is die 'groepe' wat mens mos moet nooi. As jy een uitlos kan jy nie die ander nooi nie. Ons troue is gelukkig net die close familie wat ek en Wilhelm daar wil hê, en nie honderde ooms en tannies wat ons skaars ken nie - bonus! Verder net pelle en kollegas.
Ek het 'n paar lekker 'templates' afgelaai van Outlook af wat mens kan gebruik in excell vir jou gastelys, budget ens. Hier is hy : http://office.microsoft.com/en-us/templates/default.aspx?Application=XL&Ver=11
Daar is sommer enige templates waaraan jy kan dink, nie net vir troues nie. Baie Handy!

Nog 'n troue...

Ons was die naweek toe by Jocelyn en Nicholas se troue soos ek hieronder êrens genoem het. Dit was 'n baie stunning venue, op sy plaas in die Banhoek vallei, teen die berge. Nou hierdie tyd van die jaar in die Kaap sal die wat hier woon weet, dis koud en nat! So ons het toe ons daar kom, alreeds 10 minute laat, deur die modder gepiekel tot by ons stoele - in die ope lug - heel agter. Ons het skaars gesit toe kom die bruid oor die gras aangestap - ek kan net haar angstigheid vir die hele modder gedoente imagine! Sy het baie stunning gelyk - soos alle bruide mos maar doen. Die sleg was dat die dominee nie enige klank hulpmiddels gebruik het nie en ons nie 'n enkele woord kon hoor nie. Nogal jammer want ons moes maar na die ander mense loer om te sien wannneer hulle oë toemaak en handeklap ens.
Die onthaal was daarna in 'n tent ook op die plaas. Dit het regtig baie mooi gelyk binne-in. Daar was 'n live band en fairy lights oral. Nogal interessant was die feit dat hulle nie 'n tradisionele ouers- aan-beide-kante-van-die-bruidspaar gehad het nie, maar eerder 'n tafel vol vriende en hulle ouers by aparte tafels by hulle vriende.
Sal nie heeltemal afgaan met ons ouers nie, hulle sal bietjie sensitief wees daaroor! Ek kan net imagine die gesigsuitdrukkings as ek nou so iets moet voorstel!!
Maar ek moet sê ek verkies ook die tradisionele manier van sit.
Oorkant ons beland daar 'n meisie wat saam my op skool was - ongelooflik hoe die dinge loop. Ons was baie dankbaar vir bietjie afrikaanse geselskap! Nie om enige iemand te offend nie, ons het stunning engelse pelle, maar om in afrikaans te kuier is net anders :-)
So gepraat van kuier, dit het ons sommer goed gedoen! Ek was lekker lam gister oggend toe ek opstaan.
Hoogtepunte van die troue : 1 Die kos! 2. Die fireworks! 3. Die wyn 4 Die geselskap.
Dinge om te onthou vir my troue - 1.moenie buite trou as dit koud is nie! 2. DJ's maak vir lekkerder dans as 'n live band. 3. Goeie wyne en kos is 'n wenner. 4. Goeie geselskap is dood belangrik - dus kyk mooi na tafelrangskikking van mense. 5. Modder sucks!

my gevolg....

Lizma....my Maid of Honour - Beste vriendin van Uni.

Yente.. my Bridesmaid (en toekomstige dogter)
Anje...my blommemeisie - hier is hulle albei in blou by Burger en Karen se troue

Rok-en roll

Ek het gister vir Tannie Reina in die hande gekry. Sy sê ek moet chill, ons gaan eers na September met die rok begin. Ek moet haar net een of ander tyd solank gaan sien sodat ons kan praat oor hoe dit gaan lyk ens. Gelukkig een ding minder waaroor ek nou hoef te worry - vir eers.

Videograaf

Burger en Karen het 'n videograaf gebruik wat hulle nie 'n arm en 'n been gekos het nie en ons het Sondagaand lekker gelê en hulle trou DVD kyk. So toe besluit ons vir daardie geld (om en by R2700) sal ons dit ook waag. Na 'n waarskuwing van Burger dat die ou baie lief is vir praat bel ek hom gou vanoggend. 'n Baie aangename ou en ja, hy is lief vir praat. Hy praat gelukkig 'n klomp sin en na 20 minute het ek hom geboek vir November, - net betyds wat sy hele Desember is baie vol. Ek moet net onthou om die Deposito volgende week te betaal.

Nogsteeds niks

Ek het nogsteeds niks gedoen nie en vergeet nou al vir die 3de dag in 'n ry om my pakkie "trou notas" saam te bring werk toe sodat ek vir Tannie Reina kan bel wat my rok moet maak. Ek het geen idee hoe lank voor die tyd om met die rok te begin nie. Sy sal definitief weet.
Ons het nogal 'n aktiewe jaar wat troues bywoon aanbetref. Ons het een in Januarie gehad - My kamermaat van universiteit koshuis - Lize en Fonnie. Toe kom Maart , Burger en Karen (Wilhelm se broer) het getrou op Hollandse Molen naby Paarl. Hier is 'n foto van hulle. April was dit Nadine en Morne se beurt - jare lange huisvriende van ons familie. Hulle het getrou in Brackenfell en die onthaal was net buite Kuilsrivier op 'n plaas. Laas naweek was ons by Marie en Andre se troue op Robertson, sy was saam met Wilhelm in die klas op universiteit. Die naweek wat nou kom is Jocelyn en Nicholas se beurt. Sy werk saam met Wilhelm. Hulle trou op sy plaas net hier buite in die Banhoek vallei (Helshoogte pas, Stellebosch)
Al die troues is nogal goed in die sin dat ek elke keer nuwe idees sien en ook meer seker word van wat ek nie wil doen nie en ja natuurlik is dit stunning lekker om goeie vriende se spesiale dag met hulle te deel!!
Ons @Home rekening aan die ander kant van al die geskenke van die gift-registry's af is SCARY !
(Moet onthou om ons lys aan die einde van die jaar daar te doen...)

Budget

So, so ver soos wat ek noual kon lees-materiaal in die hande kry lyk dit vir my ons gaan bankrot wees nadese! Aangesien die gemiddelde troue vir 100 gaste ongeveer R75 000 kos !!!!!
Wel, dit is buite die kwessie, ek sal maniere moet kry om ons troue goedkoper te doen.
Nie een van ons ouers het die geld om die troue vir ons te sponser nie so ons sal maar sente bymekaar moet krap!
Ek het nogal 'n lekker 'Budget' beplanner op die volgende webblad gekry en is besig om dit in te span vir my beplanning: http://www.bruid24.co.za

Die Begin

Dit het alles gebeur toe Wilhelm my hand gevra het die aand op die hawe muur in Gordonsbaai. Die sonnetjie het al laag oor die water gesit.Dit was die 30 ste Desember 2005. Hy het my op my skouer getik en sy toe vuis na my toe uitgehou. Ek het verbaas gevra "Wat's dit?" Hy sê toe "Hiér" ek vra toe weer, meer ernstig "Wat's dit?" waarop hy sy hand oopgemaak het en daar lê die mooiste, blinkste ring wat ek nog ooit gesien het! Ek was so verras en geskok dat ek senuweeagtig begin giggel het. Natuurlik was my antwoord JA! Ons het toe eers lekker gaan 'celebrate' by Antonio's net oorkant die hawe voor ons al die familie baie opgewonde laat weet het dat ons virewig gaan saam wees!

Ons trou datum is 25 November 2006 en hier is my journey tot daar........